Maka Boçorişvili ilə Azərbaycanın Gürcüstandakı səfiri Faiq Quliyev görüşüb
Dünən Gürcüstanın Xarici İşlər Naziri Maka Boçorişvili Azərbaycan Respublikasının Gürcüstandakı fövqəladə və səlahiyyətli səfiri Faiq Quliyevlə görüşüb. GAXA-nın məlumatına görə, bu barədə nazirlikdən bildirilib.
Görüş çərçivəsində ikitərəfli gündəliyin cari məsələləri müzakirə edilib, bu kontekstdə söhbətdə xarici işlər nazirinin Azərbaycan Respublikasına planlaşdırılan rəsmi səfərinin təfərrüatlarına, eləcə də Sankt-Peterburq şəhərinə gözlənilən səfərə toxunulub. Gürcüstan və Azərbaycan Respublikası arasında İqtisadi Əməkdaşlıq üzrə Hökumətlərarası Komissiyanın növbəti, 10-cu iclasının Bakıda keçirilməsi planlaşdırılır.
Tərəflər ölkələr arasında strateji tərəfdaşlığın geniş spektrini bir daha müsbət qiymətləndiriblər. Ticarət-iqtisadi, nəqliyyat, energetika sahələrində uğurlu əməkdaşlığa xüsusi diqqət yetirilib.
Görüşdə regionun dinc və sabit inkişafının vacibliyi qeyd edilib. Tərəflər Gürcüstan və Azərbaycan arasında nümunəvi strateji əməkdaşlığı daha da dinamik hala gətirməyə hazır olduqlarını bildiriblər.
GAXA.ge
