Mikroavtobusun toqquşması nəticəsində 1 nəfər ölüb, 4 nəfər yaralanıb
Gürcüstanda mikroavtobusun toqquşması nəticəsində 1 nəfər ölüb, 4 nəfər yaralanıb. GAXA-nın məlumatına görə, bu barədə
Mtavari telekanalı xəbər verib. Hadisə Kareliya bələdiyyəsinin Ruisi kəndi yaxınlığında baş verib. Bu səbəbdən yolda bir müddət nəqliyyatın hərəkəti çətinləşib.
Patrul polisinin verdiyi məlumata görə, yük maşını sərnişin mindikdən sonra hərəkət etməyə başlayan mikroavtobusa çırpılıb. Daha sonra mikroavtobus ehtiyat zolağında dayanmış digər yük maşını ilə toqquşub. Ölən mikroavtobusun sürücüsü, yaralananlar isə onun sərnişinləridir. Onlar hazırda xəstəxanaya yerləşdirilib.
Hadisənin dəqiq şəraiti istintaq tərəfindən müəyyən ediləcək.
GAXA.ge
